Forcat e armatosura iraniane kanë bërë thirrje për një sulm parandalues në bazën ushtarake Diego Garcia përpara se Amerika ta përdorë atë për të shënjestruar Republikën Islamike.
Një zyrtar i lartë iranian tha se komandantëve ushtarakë u është kërkuar të shënjestrojnë bazën e përbashkët MB-SHBA, e cila ndodhet në ishujt Chagos të Britanisë, në një përpjekje për të penguar Donald Trumpin që ta godas Iranin .
Zyrtari në Teheran tha për The Telegraph: “Komandantëve të lartë po u kërkohet të nisin sulme parandaluese në ishull dhe bazën e tij nëse kërcënimet e Trump janë bërë më serioze”.
Ai shtoi: “Diskutimet për ishullin janë intensifikuar që kur amerikanët vendosën bombardues atje”.
Të paktën tre avionë B-2 Spirit mbërritën në bazën strategjik SHBA-MB javën e kaluar, sipas imazheve satelitore.
Të quajtur “fantazmat e qiellit”, bombarduesit B-2 janë në gjendje të fshihen përpara mbrojtjeve ajrore më të avancuara dhe të dërgojnë ngarkesa vdekjeprurëse.
Diego Garcia është ishulli kryesor në Arkipelagun Chagos – territori i Oqeanit Indian në pronësi britanike, të cilin Sir Keir Starmer dëshiron ta kthejë në Mauritius .
Një mbështetës i regjimit iranian tha se ishulli duhej të ishte shënjestruar shumë kohë përpara se SHBA-ja të vendoste bombarduesit.
Baza mbështet bombarduesit B-1 Lancer, B-2 Spirit dhe B-52 Stratofortress, kështu që është e rëndësishme për operacionet në të gjithë Afrikën, Azinë dhe Oqeaninë. Rreth 4,000 personel ushtarak dhe kontraktorë – shumica e të cilëve janë amerikanë – janë gjithashtu të vendosur në bazë.
Trump e paralajmëroi Iranin të dielën se do të kishte “bombardime të tilla të cilat ata nuk i kanë parë kurrë më parë” nëse Irani refuzon marrëveshjen e tij të armëve bërthamore .
