Ish-ambasadori i Holandës në Kosovë Robert Bosch, i ka reaguar kryeparlamentarit serb Ivica Daçiq, i cili ka deklaruar se gjenocidi është kryer kundër serbëve, e jo kundër shqiptarëve në Kosovë.
Bosch, duke kujtuar se Daçiq ishte shef i propagandës së kasapit të Ballkanit, Slobodan Millosheviq, ka thënë se ai po e përdhunon të vërtetë, duke e quajtur “qesharake” deklaratën e tij, përcjell Bota sot.
Ai ka thënë se njerëzit si Daçiq, janë rrezik për paqen e rajonit.
“Ish-shefi i propagandës së Millosheviqit, Ivica Daçiq, tregon përsëri se ai është ende shumë i mirë në përdhunimin e së vërtetës dhe vjen me këtë lloj historish krejtësisht qesharake. Si mund të merret seriozisht ky lloj i njerëzve? Rrezik për paqen në rajon”, ka thënë Bosch, përmes një postimi në Facebook.
Daçiq, në një intervistë për mediat serbe, pretendoi se gjenocidi në Kosovë nuk ishte kryer ndaj shqiptarëve, por kundër serbëve, siç dëshmohet, sipas tij, “nga të dhënat për numrin e banorëve para dhe pas luftës në 1999”.
“Ju jeni pak gabim se kush e ka kryer gjenocidin. Ku janë serbët? Pastrimi etnik dhe gjenocidi u kryen kundër serbëve. Kjo është një e vërtetë faktike dhe historike”, tha Daçiq, duke reaguar ndaj pretendimeve të deputetit shqiptar, Shaip Kamberi, për gjenocidin.
“Sigurisht, Kosova ka qenë një temë qendrore serbe për shekuj. Ajo nuk ishte e jona, ne nuk e kishim atë për një kohë të gjatë. Nuk ishte e jona nga 1459 në 1912, për 453 vjet. Ne nuk e kishim Kosovën, por ne nuk e humbëm atë. Nuk kishte asnjë temë në letërsinë, shkencën, kulturën dhe politikën tonë, e cila nuk kishte të bënte me Kosovën”, ka theksuar Daçiq.
Irani ka lëshuar raketa balistike drejt bazave ushtarake amerikane në Kuvajt dhe Bahrejn, pasi Shtetet…
Në rrjetet sociale kanë nisur të qarkullojnë video të prodhuara me inteligjencë artificiale, në stilin…
Izraeli vendosi fshehurazi njësi elitare ushtarake dhe të inteligjencës në Azerbajxhan gjatë luftës me Iranin,…
Ish-ambasadori amerikan në Kosovë, Jeff Hovenier, ka deklaruar se administrata e presidentit Donald Trump ka…
Kryeministri Edi Rama ka deklaruar në një intervistë për Euronews se protestat kundër projektit të…
Gjashtë shtetas shqiptarë të shpallur në kërkim ndërkombëtar janë ekstraduar nga Emiratet e Bashkuara Arabe…