Përveç mënyrës diplomatike të zhbllokimit të Mariupol-it, mbrojtësit ukrainas po punojnë për përgatitjen e një plani ushtarak.
Kjo punë po kryhet me udhëheqjen më të lartë të Forcave të Armatosura të Ukrainës, deklaroi ish-komandanti i Regjimentit Azov Maxim Zhorin.
Lajmi u bë i ditur nga mediat ukrainase, duke cituar një intervistë për Channel 24.
Sipas tij, për një muaj e gjysmë ishte absolutisht e mundshme të kryhej një zhbllokim ushtarak i Mariupol-it.
Zhorin u shpreh se qindra vullnetarë shprehën gatishmërinë për të shkuar në debllokimin e qytet-portit, pavarësisht kompleksitetit të një operacioni të tillë.
Aktualisht, thotë ai, nuk është më e mundur të kryhet një zhbllokim njëfazor.
Ai shtoi se kjo do të marrë shumë kohë, pasi fillimisht duhet të kompletohen pajisjet dhe armatimet e nevojshme ushtarake.
Zhorin siguroi se konsultimet për këtë çështje kryhen ekskluzivisht me udhëheqjen e lartë të Forcave të Armatosura të Ukrainës.
