Izraeli eliminon drejtuesit kryesorë të Iranit, ‘shpëton’ vetëm presidenti Pezeshkian: Lista e plotë e figurave të larta të vrara

Izraeli thotë se ka vrarë një tjetër figurë të lartë të Iranit, Ali Larijani, në një sulm ajror, duke paralajmëruar se do të “vazhdojë gjuetinë” ndaj liderëve të vendit.

Vdekja e Udhëheqësit Suprem Ajatollah Ali Khamenei u njoftua një ditë pas sulmeve amerikane-izraelite ndaj Iranit.

Gjithashtu në valën e parë të sulmeve u vranë këshilltari i sigurisë Ali Shamkhani , ministri i mbrojtjes Amir Nasirzadeh, komandanti i Gardës Revolucionare, gjenerali Mohammad Pakpour dhe shefi i shtabit të forcave të armatosura, Abdolrahim Mousavi.

Recently Spotted Asteroid Set for Near Miss With Earth
Keep Watching

I vetmi lider që i ka shpëtuar Izraelit është presidenti, Masoud Pezeshkian, i cili që nga fillimi i konfliktit të armatosur nuk ka bërë dalje fizike, por vetëm videomesazhe.

Sipas faqes së internetit të gazetës izraelite Yedioth Ahronoth (Ynet), deri më tani kanë humbur jetën personat e mëposhtëm:

Ali Larijani: Kryetar i Këshillit të Sigurisë Kombëtare

Ali Khamenei: Udhëheqësi Suprem Fetar

Ali Shahmani: Kryetar i Këshillit të Mbrojtjes

Gholamreza Soleimani: Komandant i milicisë Basij

Abdolrahim Mousavi: Shefi i Shtabit të Forcave të Armatosura të Iranit

Mohammad Pakpour: Shefi i Gardës Revolucionare

Rahman Makdem: Shef i njësisë së misioneve speciale të Gardës Revolucionare

Salah Assadi: Shef i Shërbimeve Sekrete të Emergjencës

Mohammad Shirazi: Shefi i Shtabit Ushtarak të Liderit Suprem

Raj Mozaflar Nia: Drejtues i programit të zhvillimit të armëve bërthamore

Hossein Jabal Amelian: Drejtues i programit të kërkimit për zhvillimin e armëve të përparuara

Aziz Nezirzadeh: Ministër i Mbrojtjes