Vajzave afgane u ndalohet të shkojnë në universitete. Vendimi i qeverisë talibane shënon hapin e fundit të fushatës brutale kundër të drejtave dhe lirive të grave, dhe nxiti reagime të forta ndërkombëtare dhe dëshpërim mes të rinjve në vend.
Ministria e Arsimit e njoftoi një masë të tillë ditën e martë, duke thënë se ajo do të hynte në fuqi menjëherë. Vendimi kufizon më tej të drejtën e vajzave për t’u arsimuar, ndërsa pas ardhjes në pushtet vitin e kaluar talibanët pezulluan shkollimin e tyre përtej nivelit fillor.
Grupe protestuesesh dolën në rrugët e kryeqytetin Kabul për të kundërshtuar mbylljen e universiteteve për vajzat, por ato u ndaluan shpejt nga zyrtarët talibanë.
Organizata e Kombeve të Bashkuara dhe një sërë vendesh të tjera dënuan urdhrin e ri, që e kthen pas Afganistanin në periudhën e parë të udhëheqjes talibane, kur gratë nuk mund të shkonin në shkolla.
Shtetet e Bashkuara thanë se një vendim i tillë do të ketë pasojë për talibanët. “Ata nuk mund të presin të jenë pjesëtarë të ligjshëm të komunitetit ndërkombëtar, deri sa nuk respektojë të drejtat e të gjithëve në Afganistan”, tha sekretari i shtetit, Anthony Blinken./a2news.com/
Pamje të nxjerra jashtë kontekstit, imazhe të krijuara me Inteligjencë Artificiale dhe narrativa gjeopolitike u…
Kryeministri Edi Rama ka reaguar me ironi në rrjetet sociale pas protestës e cila u…
Sipas gazetarit dhe analistit turk İbrahim Karagül, zhvillimet e fundit rreth Ishullit të Sazanit nuk…
Irani ka lëshuar raketa balistike drejt bazave ushtarake amerikane në Kuvajt dhe Bahrejn, pasi Shtetet…
Në rrjetet sociale kanë nisur të qarkullojnë video të prodhuara me inteligjencë artificiale, në stilin…
Izraeli vendosi fshehurazi njësi elitare ushtarake dhe të inteligjencës në Azerbajxhan gjatë luftës me Iranin,…