Të lidhur kokë e këmbë me hekura, të dëshpëruar dhe nën efektin e vazhdueshëm të injeksioneve dhe ilaçeve të ndryshme. Një skenë e denjë me filmat horror, por që sipas denoncuesve është përditshmëria e një laboratori në afërsi të Hamburgut, në Gjermani.
Disa organizata për mbrojtjen e kafshëve, si Soko Tierschutz dhe Cruelty Free International kanë shpërndarë një video të një aktivisti që kishte gjetur përkohësisht punë në një laborator në Mienenbuttel, në periudhën dhjetor 2018 – mars 2019.
Pasi vërejti kushtet sipas tij të tmerrshme në të cilat jetonin kafshët, qenë, mace, lepuj dhe veçanërisht majmunë, i riu mori kurajë dhe vendosi një kamera të fshehtë duke filmuar disa minuta.
Trajtimin më çnjerëzor sipas tij e pësonin majmunët, të tipit makak, që duken në pamje të lidhur më rrathë metalikë dhe shirita ngjitës.
Shoqatat denoncojnë se Gjermania nuk ka ligje strikte mbi eksperimentet mbi kafshët, që i shërbejnë në pjesën më të madhe industrisë farmaceutike
