Kapitulluan në Ukrainë, “kadirovitët” dërgohen mbrapsht në Çeçeni

Forcat çeçene të ushtrisë ruse, të ashtuquajtur “kadirovitë”, janë kthyer në Çeçeni pas humbjes së qindra ushtarëve në Ukrainë.

Këtë lajm e bën të ditur “Radio Svoboda” duke iu referuar kundërzbulimit të Shërbimit të Sigurisë në Ukrainë (SBU).

Kadirovitët e marrin emrin nga kreu i republikës çeçene Ramzan Kadyrov. Ata u kthyen në Grozny më 13 mars.

Sipas të dhënave, regjistrimi u bë në Ukrainë, disa kilometra larg Kiev-it.

Kritikët e Kadyrov-it e quajtën këtë informacion një tjetër fushatë marketingu në kurriz të luftës.

Kundërzbulimi i SBU-së raportoi se Kadyrov nuk ishte në Ukrainë dhe 13 marsi ishte dita kur grupi i kadirovitëve u deportua nga rajoni i Kiev-it drejt Bjellorusisë dhe më tej në Çeçeni.

Raportimet për trupat çeçene që merrnin pjesë në pushtimin rus të Ukrainës filluan që në ditët e para të luftës.

Saga

Më 26 shkurt, një video u shfaq në internet që tregonte ushtarakë çeçenë duke ngritur një flamur rus në një ndërtesë të njësisë ushtarake në Gostomel, një fshat 50 kilometra në veriperëndim të kryeqytetit ukrainas.

Në regjistrim, një nga luftëtarët, duke iu drejtuar Ramzan Kadyrov-it, thotë se njësia e tij zmbrapsi tre sulme të ushtrisë ukrainase dhe sekuestroi objektin.

Forcat e Armatosura të Ukrainës njohën vërtetësinë e videos, por deklaruan se “kadirovitët” kishin hyrë në një territor të zbrazët – nuk pati asnjë luftim për të.

Më 27 shkurt, u bë e ditur se komandanti i Regjimentit 141 të Motorizuar të Rosgardës çeçene, gjenerali Magomed Tushayev, ishte vrarë gjatë pushtimit të Ukrainës.

Lajmi u konfirmua nga një luftëtar i kapur i kësaj njësie.

Më 26 shkurt, 450 kadirovitët u përpoqën të hynin në tokën ukrainase pranë aeroportit Gostomel gjatë një përpjekjeje për një operacion uljeje, por dështuan.

Dy ditë më pas, “disa qindra luftëtarë u vranë”, tha burimi në kundërzbulimin e SBU-së.

Pas 24 orësh, një video e një kolone të madhe të “kadirovitëve” doli në internet, me një mbishkrim ku thuhej se ishte filmuar në veri të Kiev-it.

Deklarata

Ramzan Kadyrov fillimisht mohoi viktimat midis luftëtarëve të tij, por më 28 shkurt pranoi në kanalin e tij “Telegram” se dy ushtarakë çeçenë kishin vdekur.

“Fatkeqësisht, ka viktima në mesin e vendasve të Republikës Çeçene. Dy vdiqën dhe gjashtë lëndime të tjera të shkallëve të ndryshme”, do të shprehej ai.

Sipas kundërzbulimit të SBU-së, më 4 mars, një njësi e kombinuar e trupave ruse nga Republika Çeçene, gjithsej rreth 1 mijë e 200 persona, mbërritën nga Bjellorusia përmes zonës së Çernobil-it.

Në të përfshiheshin batalionet ushtarake “North” (komandant Magomed Tushayev, i vrarë), “Jug” (Hussein Mezhidov) dhe policia e trazirave “Akhmat-Grozny” (Anzor Bisayev).

Ky grup drejtohej nga Daniil Martynov, ndihmësi i Ramzan Kadyrov.

Ai ka përvojë në forcat speciale të FSB-së dhe u bë aleat i liderit çeçen në 2017.

Kadirovitët ngritën kampin e tyre në pyll afër Borodyanka-s. Sipas SBU-së, pasi municioni i tyre u hodh në erë, ​​disa nga luftëtarët vdiqën.

Që atëherë, ata kanë qenë më të kujdesshëm dhe janë ndarë në disa grupe nëpër rrjete sociale, pohon burimi në kundërzbulimin e SBU-së.

Ramzan Kadyrov njoftoi së fundmi se po dërgonte një mijë luftëtarë të tjerë në Ukrainë.