KEDS del me rekomandime për kursimin e rrymës: Mbajeni mbyllur derën e frigoriferit

Një numër i konsiderueshëm i qytetarëvejanë ankuar për çmimet e larta të faturave të energjisë elektrike në muajin e kaluar.

KEDS ditëve të fundit ka dalë me rekomadime se si mund të kursehet energjia elektrike.

Në vazhdën e tyre, KEDS thotë se qytetarët duhet të ketë kujdes që derën e frigoriferit, ose ngrirësit të mos e mbajnë shumë hapur.

Përmes një postimi ata kanë thënë se nuk është e nevojshme që dera e frigoriferit të mbahet hapur për shkak që kësaj pajisje i duhet shumë kohë për të kthyer freskinë, dhe rrjedhimisht shpenzohet më shumë energji.

“…me mbajtë derën e frigoriferit hapë’! Derën e frigoriferit ose të ngrirësit rekomandohet ta mbani t’hapur sa më pak që është e mundur. Bëhuni të kujdesshëm që dera të jetë mirë e mbyllur, sepse kur depërton ajri i ngrohtë, humbet freskia, kështu që këtyre pajisjeve ju duhet më shumë kohë për të rikthyer gjendjen paraprake dhe rrjedhimisht shpenzojnë më shumë energji“, thuhet në rekomandimin e KEDS në Facebook.

Kujtojmë se rreth 1700 qytetarë kanë dërguar ankesa fizike në zyrat e KESCO-s për faturat e fryra të energjisë elektrike gjatë muajve të fundit.