Jahja Kokaj me gjasë mezi ka pritur të marrë pjesë në seancën e së premtes.
Ai e ka bërë gati replikën për Ardian Kastratin e Partisë Demokratike që, megjithëse mungoi, tri ditë më parë kishte veshur bluzë me raketë për ta ironizuar deklaratën e Kokajt lidhur me nisjen e mundshme të një rakete në hapësirë brenda mandatit të qeverisë së Albin Kurtit.
Fizikanti i Vetëvendosjes e quajti dordolec deputetin opozitar, ndërsa tha se nevojiten njohuri elementare të shkollës fillore për ta kuptuar çështjen e raketës.
Madje, përgjigjen e tij ndaj Kastratit e vazhdoi me poezi në disa gjuhë. Ky diskurs e bëri të qeshë fort kryeministrin Kurti. Më pas lexoi edhe vargje të Gjergj Fishtës. Por, thotë se debati nuk i është shterrur, andaj ka paralajmërim për Kastratin.
