Fronti Demokratik (DF) i Zhelko Komshiqit iu ka përgjigjur ministrit të mbrojtjes së Serbisë Aleksandar Vulin se së shpejti në Drin do të jetë kufiri i NATO-së, shkruan gazeta Danas.
Nga DF kanë theksuar se “shkëlqyeshëm e kuptojnë porosinë biblike që thotë – mos ia bëjë dikujt atë që nuk do të bëjnë ty”.
“Vulin duhet ta dijë se kufiri mes Serbisë dhe shtetit të Bosnjës dhe Hercegovinës është në lumin Drin dhe shumë shpejtë ajo do të jetë kufi i NATO-së dhe Serbisë, nëse në Serbi nuk këndellën që edhe ata vetë të hyjnë në NATO”, thuhet në kumtesën e partisë së Komshiqit.
Ministri i mbrojtjes Vulin më herët kishte theksuar se Komshiq |përfaqësuesi i kryesisë së BiH, që nuk ka pasur rast që të mësojë thëniet popullore serbe – mos i bëjë tjerëve atë që nuk do ta bëjnë ty”.
Vulin kishte reaguar në deklaratën e mëhershme të Komshiq se “nuk ka dilema se Kosova është shtet i pavarur përkundër faktit se ende nuk ka njohje të ndërsjellë ndërmjet Bosnjës dhe Kosovës, por faktikisht kjo është punë e kryer”.
Vulin pat shtuar se me gjasë Komshiq nuk do ketë asgjë kundër fjalëve dhe pasojave të tyre, ndërkohë që po ashtu u shpreh se edhe republika Srpska është e pavarur edhe pse nuk ka njohje të ndërsjellë me Serbinë, sikurse nuk ka dilemë se RS ekziston si shtet.
