Dhoma e Përfaqësuesve e SHBA miratoi të enjten legjislacionin që do të krijonte një pengesë të re për planin e presidentit Joe Biden për t’i shitur Turqisë avionë luftarakë F-16.
Dhoma e miratoi masën, të ofruar nga përfaqësuesit demokratë Frank Pallone dhe Chris Pappas, si një ndryshim në Aktin vjetor të Autorizimit të Mbrojtjes Kombëtare, me 244 pro dhe 179 kundër, raporton Reuters.
Është përpjekja e fundit e anëtarëve të Kongresit për të ushtruar kontroll mbi shitjen e avionit Lockheed Martin te aleati i NATO-s, Turqisë.
Amendamenti do t’i ndalonte Shtetet e Bashkuara të shesin ose transferojnë avionët në Turqi, përveç nëse administrata vërteton se kjo është thelbësore për sigurinë kombëtare të SHBA dhe përfshin një përshkrim të hapave konkretë të ndërmarrë për të siguruar që ato të mos përdoren për fluturime të përsëritura duke shkelur hapsirën ajrore të Greqisë.
Senatori Bob Menendez, kryetar i Komitetit të Senatit për Marrëdhëniet me Jashtë, i cili shqyrton marrëveshjet ndërkombëtare të armëve, ka thënë më parë se ai kundërshtoi shitjen.
Megjithatë, ka disa hapa për t’u bërë ligj. Pasi Dhoma të miratojë versionin e saj të NDAA – që pritet më vonë të enjten – Senati duhet të miratojë versionin e tij. Më pas, ligjvënësit duhet të arrijnë një version kompromisi të legjislacionit, i cili autorizon më shumë se 800 miliardë dollarë shpenzime për mbrojtjen, përpara se të votojnë përsëri më vonë këtë vit.
Shumë ligjvënës amerikanë u acaruan nga Ankaraja pas blerjes së saj në vitin 2019 të një sistemi të mbrojtjes raketore të prodhuar nga Rusia, duke shkaktuar sanksione të SHBA-së si dhe largimin e Turqisë nga programi i avionëve luftarakë F-35.
