Në New York është shënuar viktima e parë shqiptare nga koronavirus.
Andre Ljuljovic vdiq nga komplikimet e shkaktuara nga koronavirusi, ka njoftuar të shtunën pasdite shkolla e mesme “Archbishop Stepinac” në White Plains, New York, raporton gazeta “Ilyria”.
Ai kishte diplomuar nga shkolla e mesme më 2007 dhe merrej me shumë me sport.
Andre, prindërit e të cilit janë emigrantë shqiptarë, është i pari shqiptaro-amerikan që dihet se ka vdekur nga Covid-19.
Westchester, vendi ku ai jetonte, ka qenë një nga pikat e para të përhapjes së koronavirusit, shkruan illyriapress.
Rasti i tij është edhe një tregues se sëmundja mund të jetë e rrezikshme dhe vdekjeprurëse edhe për moshat e reja.
Shumë pjesëtarë komunitetit shqiptaro-amerikan shprehën ngushëllimet e tyre në rrjetet sociale. “Unë isha në dasmën e tij, tetorin e kaluar. I tronditur”, shkroi njëri prej tyre.
