Një nga drejtuesit e Frontit Demokratik, Andrija Mandiq, tha se Kryeministri Zdravko Krivokapiq nuk ka më mbështetjen e Kishës Ortodokse Serbe, e cila e propozoi atë për atë pozitë.
Mandiq vlerësoi se Krivokapiq, Dritan Abazoviq, Aleksa Beçiq dhe Millo Gjukanoviq natën e kaluar miratuan një rezolutë anti-serbe mbi gjenocidin në Srebrenicë, e cila popullin serb e shpalli gjenocidal.
Mandiq shtoi se Fronti Demokratik do të rishikojë tërësisht situatën në organet partiake, dhe në bisedime me partnerët, do të vendosë për harmonizimin e politikës që do të mbrojë në lidhje me “ndryshimet e nevojshme” dhe vlerësimin nëse ata kanë apo jo partner në të ardhmen.
Krivokapiq akuzon partinë serbe FD – Po bashkëpunojnë me PDS për të rrëzuar Qeverinë
Kryeministri i Malit të Zi, Zdravko Krivokapiq akuzoi Frontin Demokratik (DF) se kanë dakordim më drejtpërdrejt me PDS dhe ish-partnerët e saj të koalicionit për të përmbysur Qeverinë dhe Kuvendin e Malit të Zi.
“Unë jam i detyruar t’u them qytetarëve të Malit të Zi të vërtetën e plotë për atë që ndodhi dhe po ndodh prapa skenave të sulmit të Frontit Demokratik ndaj Qeverisë së Malit të Zi: FD së bashku me PDS dhe ish partnerët e saj të koalicionit në mënyrë të drejtpërdrejtë po bien dakord për të rrëzuar Qeverinë dhe Kuvendin e Malit të Zi, me synimin për të thirrur zgjedhje të reja parlamentare, “shkroi Krivokapiq. Ai tha se qytetarët duhet të “njihen hapur me lojën që hidhet në media dhe e cila do të aktualizohet edhe më tepër në ditët në vijim”. “Të jeni të sigurtë se të gjithë në Mal të Zi dhe shumicën parlamentare që FD akuzon për tradhti, janë gati që me jetën e tyre të mbrojnë fitoren tonë dhe tuajën të arriturë në zgjedhjet e gushtit. Fronti Demokratik tani është bërë publikisht pjesë e shumicës parlamentare me Partinë Demokratike të Socialistëve. “, deklaroi Krivokapiq.
