Filoturku i Bashkësisë Fetare Islame (BFI) të Maqedonisë së Veriut, Shaqir Fetahu në letrën e urimit dërguar kryetarit të Çështjeve Fetare të Turqisë (Diyanet) Prof. Dr. Ali Erbaş me rastin e hapjes së Xhamisë Ajasofja për namaz, falënderoi presidentin e Turqisë Recep, Tayyip Erdogan.
Në deklaratën e bërë nga Diyaneti i Turqisë thuhet se rihapja e Xhamisë Ajasofja pas 86 vitesh për besimtarët ka shkaktuar gëzim në botën Islame.
Sipas deklaratës në letrat që kanë dërguar krerët e bashkësive fetare të vendeve të ndryshme kanë shprehur kënaqësinë për vendimin dhe kanë falënderuar presidentin Erdoğan.
Ushtruesi i detyrës së kryetarit të BFI-së, Fetahu në letrën e tij ka theksuar se vendimi ka gëzuar të gjithë muslimanët. “Republika e Turqisë nën lidershipin e Erdoğan-it është bërë një yll në rritje në sy të muslimanëve të botës dhe të shtypurve dhe një burim i domosdoshëm shprese”, thuhet në deklaratën e Diyanetit duke e transmetuar letrën e Fetahut dërguar këtij institucioni.
