“Kur do të ndalësh vrasjen e civilëve”, BBC: Putin pas një kohe përballet me gazetarë të pavarur, ata rusë s’ia bëjnë këto pyetje

BBC përmes një artikulli ka komentuar një situatë të mëhershme që ndodhi pasi filloi takimi Trump -Putin, ku gazetarë të huaj i bënë pyetje Vladimir Putinit gjatë ceremonisë së tij të mirëseardhjes në Alaska, derisa lideri rus nuk dha përgjigje.

BBC shkruan se kjo është hera e parë pas një kohe të gjatë që presidenti rus e ka gjetur veten në një dhomë me kaq shumë gazetarë të pavarur që nuk kontrollohen nga Kremlini.

Puna e grupit të shtypit rus që zakonisht udhëton me presidentin është shumë e ndryshme nga mënyra se si gazetarët amerikanë i mbulojnë ngjarjet.

Pyetje të paautorizuara ose të pakëndshme pothuajse nuk bëhen kurrë.

Sot gazetarët kanë arritur tashmë t’i bëjnë pyetje Putinit, të tilla si “kur do të ndaloni së vrari civilë?” dhe “pse duhet t’u besojë Trump fjalëve tuaja?”

Nuk ka asnjë mënyrë për të ditur nëse presidenti rus i dëgjoi pyetjet – por nëse ai del për një konferencë shtypi, do të jetë e pamundur të shmangen plotësisht temat e pakëndshme.