Hoxhë Drilon Gashi ka zemëruar shumë ndjekësit e tij në Facebook me deklaratën e dhënë në lidhje me Kuran-in.
“Të pretendosh që në Kuran ka mrekulli shkencore duke u argumentuar me vargjet si f.v. kaptina Muminunë (12-14), e të tallesh me krejt civilizimin e botës deri në kohën e profetit Muhamed a.s., më duket gabim fatal, mediokritet, keqkuptim i komentit të Kuranit dhe përlloqje e të dhënave historike e shkencore“, ka shkruar Gashi në Facebook.
Gashi ka deklaruar se ato që janë të shkruara në këtë kaptin të Kuranit nuk janë asgjë më shumë veçse një realitet, të cilin e dijnë edhe katundarët e pashkollë.
Ndryshe, Gashi kohë më parë ka pasur një konflikt virtual me hoxhën Shefqet Krasniqi, në lidhje me deklaratën e këtij të fundit për gjininë femrore.
“Gratë janë për kuzhinë, oda është për burra, s’ka me u përzi aty vërr-vërr-vërr”, kishte deklaruar Krasniqi.
“Disa klerikë fetarë edhe Zotin e konsiderojnë mashkull sikur vetveten! Duhet ta pranojmë, kemi shumë mbetje të kohës së injorancës, të gjithë. Zoti na përmirësoftë!”, i ishte përgjigjur Gashi.
