Kryeministri i Kosovës, Albin Kurti, bashkë me kryetaren e Kuvendit, Vjosa Osmanin, sot kanë vendosur lule tek Kulla e Jasharajve në Prekaz në ditën e tretë të “Epopesë së UÇK-së”.
Kurti para mediave deklaroi se ata u mirëpritën nga Rifat Jashari.
“Sot në ditën e tretë të “Epopesë së UÇK-së bashkë me bacën Rifat dhe Kryetaren e Kuvendit vendosëm lule të freskëta tek vendi ku janë vrarë Ademi dhe Hamza”.
“Sot është shtatë marsi Dita e Mësuesit baca Shaban ka qenë mësues, mësues popullor, mësues i Prekazit, mësues i Ademit, Hamzës dhe bacës Rifat, sot e kujtojmë në veçanti edhe atë në këtë ditë të veçantë”, ka thënë Kurti.
