Ministria ruse e Mbrojtjes ka dhënë një deklaratë duke reaguar ndaj sulmit ukrainas në qytetin rus Belgorod ku mbetën të vrarë 14 persona, sipas Rusisë.
Ajo thotë se sulmet u kryen me raketa “Olkha” të Ukrainës dhe “Vampir” të prodhimit çek, të pajisura me koka luftarake me municione thërrmuese dhe se sistemet e mbrojtjes ajrore kapën shumicën e raketave.
Megjithatë, “disa raketa dhe pjesë grupore nga raketat e rrëzuara Vilkha goditën qytetin e Belgorod”, thuhet në deklaratë.
“12 të rritur dhe dy fëmijë u vranë si rezultat dhe 108 persona janë plagosur”, thuhet në njoftim.
Deklarata shton se nëse raketat Vilkha godasin drejtpërdrejt objektivat e tyre dhe lëshonin municione thërrmuese, “pasojat do të ishin pa masë më të rënda”.
“Regjimi i Kievit, i cili kreu këtë krim, po përpiqet të shkëpusë vëmendjen nga disfatat në front dhe gjithashtu dëshiron të na provokojë”, thuhet në deklaratë.
Ai shton se “Forcat e Armatosura Ruse synojnë vetëm objektet dhe infrastrukturën ushtarake dhe ne do të vazhdojmë ta bëjmë këtë”.
“Ky krim nuk do të mbetet pa u ndëshkuar”, përfundon deklarata.
Ukraina nuk ka komentuar ende drejtpërdrejt mbi situatën në Belgorod, por mediat ukrainase – duke cituar burime të inteligjencës – thonë se vetëm objektivat ushtarakë janë sulmuar, raporton BBC.
Numërimi i afrohet 100 përqëindëshit: LVV 43,03 %, PDK 21.21 %, LDK 17.68 % dhe…
Lëvizja Vetëvendosje vazhdon të prijë në rezultatet preliminare të procesuara nga Komisioni Qendror i Zgjedhjeve…
Sot në Kosova janë mbajtur zgjedhjet e jashtëzakonshme parlamentare. Lidhur me këtë, është publikuar Exit…
Pamje të nxjerra jashtë kontekstit, imazhe të krijuara me Inteligjencë Artificiale dhe narrativa gjeopolitike u…
Kryeministri Edi Rama ka reaguar me ironi në rrjetet sociale pas protestës e cila u…
Sipas gazetarit dhe analistit turk İbrahim Karagül, zhvillimet e fundit rreth Ishullit të Sazanit nuk…