Ministri i ri i Shëndetësisë, Rifat Latifi, tha se kthimi i tij në Kosovë, duke “sakrifikuar” jetën dhe punën e mirë në Shtetet e Bashkuara të Amerikës është sinjal që edhe mjekët dhe infermierët e që janë larguar nga Kosova, duhet të kthehen në vendlindje.
“Vetë fakti që kam ardhur këtu nga jeta amerikane, nga një punë shumë e mirë është sinjal që edhe të tjerët duhet të na bashkohen. Ne duhet të jemi të hapur dhe duhet të krijojmë një platformë dhe një strategji”, tha ai.
Ai premtoi se do t’i vizitojë dhe angazhohet edhe për komunat me shumicë serbe.
“Të gjithë ata që jetojnë në Kosovë, për mu janë të Kosovës, prandaj, gjithsesi do të shkojë në ato vende (komunat me shumicë serbe)”, tha Latifi para gazetarëve.
