Anëtari i Kryesisë së LDK-së, Shkëmb Manaj, ka thënë se nga zgjedhjet lokale kjo parti pret që të dalë fituese në 14 komuna të Kosovës.
“Ne përpiqemi t’i fitojmë të gjitha. Tentojmë që komunat që i qeverisim t’i mbajmë, kemi fokus më të shtuar tek Prishtina, Suhareka, Podujeva, Klina, ku situata është më e mirë. Presim që komunat aktuale që i kemi t’i mbajmë dhe t’i ftojmë së paku edhe aq komuna. (14), aty është pritshmëria, por mendojmë se në shumicën e komunave do shkojmë në balotazh dhe aty ka kombinime të ndryshme”, ka thënë ai.
Manaj ka thënë se deri në përfundimin e afatit të përcaktuar, LDK-ja do t’i ketë zyrtarizuar të gjithë kandidatët.
Ai u shpreh se pritshmëria e partisë është që të dalin me shumicën e komunave nga zgjedhjet e tetorit.
