LDK publikon listën e kandidatëve për deputetë – fillon me Abdixhikun dhe mbaron me Gurin

Partitë kanë kohë deri në mesnatë për t’i dorëzuar listat e kandidatëve për deputetë.

Tash kanë dalë emrat e kandidatëve për deputetë nga Lidhja Demokratike e Kosovës.

I pari në këtë listë është kryetari i LDK-së, Lumir Abdixhiku, i cili është edhe i nominuari për kryeministër nga kjo parti.

Disa nga emrat më poshtë:

Lumir Abdixhiku

Kujtim Shala

Hykmete Bajrami

Doarsa Kica-Xhelili

Lufi Haziri

Avdullah Hoti

Anton Quni

Jehona Lushaku

Ferid Agani

Ukë Rugova

Ndërsa, Komisioni Qendror i Zgjedhjeve ka njoftuar se vetëm gjashtë parti deri sot kanë dorëzuar listën me emrat e kandidatëve për deputetë.

KQZ ka njoftuar se sonte në ora ora 23:59 përfundon afati për subjektet politike për dorëzimin online të listave për deputetë.

“Sonte në mesnatë (e diel, 7 dhjetor 2025, ora 23:59) përfundon afati për subjektet politike për dorëzimin online të listave të tyre me emrat e kandidatëve për deputetë, për t’u certifikuar për pjesëmarrje në zgjedhjet e parakohshme për Kuvendin e Kosovës”, thuhet në njoftimin e KQZ-së.

Janë 141 kandidatë që i përfaqësojnë subjektet politike në fjalë:

Za Slobodu Pravdu i Opstanak – 12 kandidatë;

SOCIJALDEMOKRATSKA UNIJA – SDU – 35 kandidatë;

JEDINSTVENA GORANSKA PARTIJA – 23 kandidatë;

PARTIA ROME E BASHKUAR E KOSOVËS – 40 kandidatë;

Kosovaki Nevi Romani Partia – 11 kandidatë;

dhe FJALA – 20 kandidatë.

“Në përmbushje të detyrimeve ligjore lidhur me përshtatshmërinë/aftësinë e kandidatëve për t’u certifikuar, KQZ, nëpërmjet Zyrës, do të dorëzojë në disa institucione kërkesat e veçanta së bashku me listën e kandidatëve që duan të certifikohen për pjesëmarrje në zgjedhje, me qëllim të verifikimit të tyre nëse janë në përputhje me nenin 30 të Ligjit për Zgjedhjet e Përgjithshme”, thuhet në njoftim.