Llahtara e përmbytjeve në Iran: kur “lumi merr” njerëz e bagëti

Më shumë se 80 persona kanë vdekur dhe 30 janë ende të zhdukur në Iran më shumë se një javë pasi përmbytjet përfshinë disa pjesë të vendit, thanë burime zyrtare.

Që nga fillimi i muajit Mordad (më 23 korrik), “59 persona kanë vdekur dhe 30 janë raportuar të zhdukur për shkak të përmbytjeve”, tha Yagub Soleimani, sekretari i përgjithshëm i Gjysmëhënës së Kuqe iraniane, sipas agjencisë zyrtare të lajmeve IRNA.

Një shifër që i shtohet 22 vdekjeve të shpallura më 22 korrik pas shirave të rrëmbyeshëm në jug të vendit.

 

Një vend kryesisht i thatë, Irani përballet me thatësira të përsëritura këtë dekadë dhe përmbytje të shpeshta të shkaktuara nga shirat e rrëmbyeshëm.

Sipas Soleimanit, 60 qytete të mëdha, 140 më të vogla dhe më shumë se 500 fshatra janë prekur, në një vend me 83 milionë banorë.

Provincat e e kryeqytetit Teheran janë më e prekurat, me 35 të vdekur, ndërsa në Mazandaran, në veri, 20 persona janë ende të pagjetur, sipas të njëjtit burim.

Presidenti Ebrahim Raisi vizitoi rrethin Firuzkouh, në lindje të Teheranit, sipas zyrës së tij.

Siç raporton rrjeti televiziv shtetëror IRIB, ministri i Bujqësisë, Javad Sadatinejad, vlerësoi shumën e dëmeve në sektorin e bujqësisë në gati 195 milionë euro.

 

Sipas Qendrës Meteorologjike iraniane, veriu dhe jugu i vendit pritet të goditen nga reshje të reja në ditët në vijim.