Luan Rama, i cili për shumë vite ka qenë i përfshirë në politik, ndërsa prej një viti i është rikthyer profesionit të tij të parë gazetarisë, këtë të premte i është përgjigjur temës së emisionit në “Aldo Morning Show”, nëse duhet të ndahet një grua pas 35 viteve martesë nëse burri i gjuan me pëllëmbë.
Ish-ministri është përgjigjur duke treguar një ngjarje të rreth 20 viteve më parë ku një pëllëmbë u bë shkak për një zinxhir vrasjesh në Tropojë, ndaj për atë edhe një shpullë e vetme është një arsye për t’u ndarë.
Luan Rama: Nuk është problemi te një pëllëmbë. Dua të sjell në vëmendje një gjë që jam i bindur se edhe ti e mban mend shumë mirë.
Nga një pëllëmbë nisi një sherrnajë e madh si pasojë e së cilës u vranë dhjetëra djem në Tropojë, gati 20 e ca vite më parë. Nga një pëllëmbë e dhënë dikur afër ish-hotel Albërisë.
Aty qe zanafilla e një zinxhiri vrasjesh që hapi plagë të mëdha dhe çoi në varr dhjetëra të rinj. Pëllëmba në vetvete është shprehje e një mentaliteti, është shprehje e një psikologjike dominante në mjedisin tonë social.
Kjo ka të bëjë me pëllëmbën që ekziston në trurin e shumë kujt prej nesh sepse në fund të fundit truri është ai që lëviz dorën për ta çuar te gruaja fëmija e me radhë.
Nga kjo pikëpamje, kjo është pjesë e një fenomeni që për fat të keq mjedisi jonë qytetar nuk po di ta administroj dhe ta minimizoj. Këtu mpleksesn shumë elementë. Ajo pëllëmba është shenja që ai burri është rritur në mjedisin e pëllëmbës.
