Një zyrtare ukrainase ka identifikuar tre fëmijët që u vranë pas sulmit ajror të Rusisë gjatë natës.
Zëvendësministrja e Jashtme Mariana Betsa tha se viktimat ishin vëllezërit Stainslav 8-vjeç, Roman 17-vjeç dhe motra Tamara 12-vjeç.
Bëhet e ditur se ata u vranë në rajonin Zhytomyr, në perëndim të Kievit, shkruan skynews, përcjell Telegrafi.
Vëllezërit e motrat janë në mesin e të paktën 12 civilëve që vdiqën pasi Rusia lëshoi rreth 300 dronë dhe 69 raketa në Ukrainë.
Betsa i dërgoi “ngushëllimet më të thella familjes së fëmijëve”.
“Sot humbëm tre nga fëmijët tanë. Nxënësit e shkollës sonë, Roman, Stainslav dhe Tamara nuk do të vijnë më në klasat e tyre, nuk do të ulen në tavolinat e tyre ose nuk do t’u buzëqeshin miqve të tyre. Lufta ua ka ndërprerë jetën”, tha shkolla e tyre në një deklaratë.
Ndryshe, prindërit e tyre u plagosën rëndë nga sulmi dhe aktualisht po marrin trajtim spitalor.
