Kreu i Partisë Demokratike të Serbisë (DS) Zoran Lutovac ka vlerësuar se ministri i jashtëm Ivica Daçiq po kthen fjalorin e viteve 90-ta të shekullit të shkuar në diskursin publik dhe “shtesë ndot atmosferën politike në Serbi duke testuar lojalitetin dhe pastërtinë e grimcave të gjakut të qytetarëve të Serbisë”, shkruan “Danas”.
“Thirrjet e Daçiqit janë nxjerrë nga këndet më të errëta të bodrumeve të së kaluarës së errtë”, ka shkruar në Tviter Lutovac.
Kreu i DS ka shtuar se Daçiq ishte dashur që të deklarohet rreth çështjeve që parashtrojnë qytetarët rreth aferave për të cilat janë “përgjegjës ai dhe partnerët e tij: për Krushik, Savamali, Jovanjica, tentimin e vrasjes së gazetarit Jovanoviç“, në vend se “të ftoj dhe thërras e provokoj” qytetarët e Serbisë dhe të kërkoj nga ata që të deklarohen publikisht.
“Kjo që po bënë Daçiq është njëjtë ajo që bënë Vuçiq – vazhdimisht tentojnë që të ndajnë qytetarët në ‘ne edhe ata’. Në atë mënyrë krijojnë imazhin se po ndihmojnë “popullin e vetë”, ndërsa në të vërtetë punojnë kundër interesave të qytetarëve të Serbisë dhe të Malit të Zi”, tha Lutovac.
