Biznesmeni Dragan Brkoviç, djemtë e tij Boris dhe Bojan dhe drejtori ekzekutiv i kompanisë “Vektra”, Miliç Popoviç, janë arrestuar me urdhër të Zyrës së Prokurorit Special në Mal të Zi.
Ata janë akuzuar për vepra si “abuzim me pushtetin” dhe “shpëlarje parash”.
Sipas dëshmive të deritanishme, Brkoviç, që është kumbara i presidentit të Malit të Zi, Milo Gjukanoviç, bashkë me dy djemtë dhe Popoviç-in, janë të dyshuar se kanë kryer një numër të madh veprash gjatë privatizimit që ndodhi në Mal të Zi, duke dëmtuar shtetin miliona euro.
Brkoviç dhe Popoviç do dërgohen para prokurorit në kohën e caktuar, njoftojnë mediat malaziase.
Sipas po të njëjtave media, edhe një numër i madh njerëzish do të arrestohen për vepra të njëjta.
