“Masat e njëanshme vetëm sa i hedhin benzinë zjarrit dhe janë pikërisht e kundërta e uljes së tensioneve”.
Kështu ka shkruar në platformën X, ambasadori i Gjermanisë në Kosovë, Jorn Rohde, derisa ka deklaruar se e mbështet deklaratën e Bashkimit Evropian që i ka bërë thirrje Qeverisë së Kosovës që të shmangë “veprimet e njëanshme” që mund të rrisin tensionet.
“Përsëri, unë e mbështes plotësisht këtë deklaratë. Dialogu i udhëhequr nga BE midis Kosovës dhe Serbisë është i vetmi forum i përshtatshëm për të adresuar këto çështje”, shtoi Rohde.
Ndryshe, Bashkimi Evropian i ka bërë thirrje Qeverisë së Kosovës që të shmangë “veprimet e njëanshme” që mund të rrisin tensionet, pas mbylljes së objekteve të “institucioneve të administruara nga Serbia” në Dragash, Pejë, Istog e Klinë dhe zyrën e një organizate joqeveritare në Prishtinë.
“Bashkimi Evropian vuri në dukje me shqetësim të madh operacionet e Policisë Speciale të kësaj jave në zyrat e institucioneve të drejtuara nga Serbia në komunat Dragash, Pejë, Istog, Klinë dhe objektet e organizatës joqeveritare Qendra për Paqe dhe Tolerancë në Prishtinë”, thuhet në reagimin e BE-së për media.
Të shtunën edhe ambasadori i Shteteve të Bashkuara të Amerikës në Kosovë, Jeffrey Hovenier, ka thënë se vendi i tij është i shqetësuar pas veprimeve të autoriteteve të Kosovës, derisa ka përmendur edhe mundësinë e mosmbështetjes amerikane për Kosovën në arenën ndërkombëtare.
Izraeli vendosi fshehurazi njësi elitare ushtarake dhe të inteligjencës në Azerbajxhan gjatë luftës me Iranin,…
Ish-ambasadori amerikan në Kosovë, Jeff Hovenier, ka deklaruar se administrata e presidentit Donald Trump ka…
Kryeministri Edi Rama ka deklaruar në një intervistë për Euronews se protestat kundër projektit të…
Gjashtë shtetas shqiptarë të shpallur në kërkim ndërkombëtar janë ekstraduar nga Emiratet e Bashkuara Arabe…
Kryetari i Mitrovicës së Veriut, Milan Radojeviç, të premten është shoqëruar në Policinë e Kosovës,…
Një pamje gjithnjë e më e zakonshme në ujërat e Gjirit të Orikumit është shfaqja…