Pika kufitare në Merdar është mbyllur për qarkullim të martën në mbrëmje. Këtë e ka konfirmuar Qendra Kombëtare për Menaxhim Kufitar, në kuadër të Ministrisë së Punëve të Brendshme.
Kjo pikë është mbyllur për shkak të barrikadave që serbët kanë vendosur në pjesën e Serbisë.
Qendra ka bërë thirrje që të shfrytëzohen pikat e tjera kufitare për kalim.
“Qarkullimi në pikën kufitarë Merdar është i mbyllur në hyrje dhe dalje, për arsye të barrikadave në territorin e Serbisë, diku rreth 2 kilometra, deri në një informatë tjetër”, thuhet në njoftimin e Qendrës.
