Një zhvillim i rëndësishëm ka ndodhur në përpjekjet për arritjen e një armëpushimi mes Izraelit dhe Hamasit, pasi ky i fundit ka pranuar pjesërisht planin e paqes të propozuar nga Presidenti i SHBA, Donald Trump.
Mediat izraelite si Agjencia e lajmeve izraelite N12 raportojnë se, pas këtij hapi, Forcat Mbrojtëse të Izraelit (IDF) kanë pezulluar sulmet ajrore në Rripin e Gazës që nga mëngjesi i sotëm. Agjencia izraelite e lajmeve N12 bën me dije se aktualisht IDF është përqendruar në operacione mbrojtëse për të garantuar sigurinë e trupave të vendosura në terren.
Sipas të njëjtave burime, qyteti i Gazës mbetet nën rrethim, ndërsa forcat izraelite nuk janë tërhequr, por po qëndrojnë në të njëjtat pozicione të arritura deri më tani. Deri në orët e para të mëngjesit, Forcat Ajrore izraelite vazhdonin bombardimet në disa zona të Gazës, por sipas direktivës së re nga udhëheqja politike e Izraelit, sulmet do të kryhen vetëm në rast kërcënimi të drejtpërdrejtë.
Në një reagim ndaj këtij zhvillimi, Presidenti Trump ka përshëndetur vendimin e Hamasit dhe ka kërkuar nga Izraeli që të ndalojë bombardimet dhe të krijojë kushte për vazhdimin e procesit të paqes.
Shpërthime të forta janë raportuar në Dubai në Emiratet e Bashkuara Arabe dhe në kryeqytetin…
Irani ka përjetuar një tjetër natë ferri. Shpërthime të fuqishme kanë ndodhur një nga aeroportet…
Rusia është duke i ofruar Iranit informacione mbi vendndodhjen e luftanijeve dhe avionëve amerikanë në…
Shahid Bahman Bagheri ishte mjeti i parë lundrues i specializuar për dronë,një anije 240 metra…
Mediet arabe raportuan të premten informacionin se iranianët ekzekutuan gjeneralin Ismail Qa'ani si agjent të…
Presidenti Donald Trump mirëpriti të enjten një grup pasotrësh në Zyrën Ovale një grup klerikësh…