Kancelarja gjermane, Angela Merkel, vlerëson se kolapsi i qeverisë dhe ushtrisë afgane pas kapjes së Kabulit nga talibanët ndodhi me “shpejtësi marramendëse”.
Merkel këtë e tha gjatë një fushate zgjedhore këtë të shtunë, duke shtuar se vlerësonte që aftësia ripërtëritëse të ishte më e fuqishme, shkruan AP.
Merkel tha se fokusi tani duhet të jetë në shpëtimin e sa më shumë qytetarëve të Gjermanisë dhe partnerëve të NATO -s, si dhe forcave lokale.
Dhjetëra mijëra përkthyes afganë dhe të tjerë bashkë me anëtarë të familjes, kanë kërkuar evakuim pas marrjes së shpejtë të Afganistanit nga talibanët në pak më shumë se një javë.
Një fluturim gjerman të premten në mbrëmje mbarti 172 të evakuuar, por dy fluturime pasuese arritën me vetëm shtatë dhe tetë persona.
