Marine Le Pen është shpallur fajtore për shpërdorim të fondeve europiane për të financuar partinë e saj të ekstremit të djathtë të Frontit Nacional.
Gjyqtari nuk ka thënë ende se cili do të jetë dënimi. Prokurorët, vitin e kaluar thanë se dënimi i Le Pen nuk duhet të jetë vetëm një gjobë prej 300 mijë euro dhe burgim, por edhe pamundësi për të kandiduar për poste publike për pesë vjet, shkruan A2 CNN.
Më e rëndësishmja, prokurorët theksuan se përjashtimi i saj duhet të fillojë menjëherë, dhe jo të pezullohet në pritje të apelit që Marine Le Pen planifikon të paraqesë nëse dënohet. Kjo do të prishte shpresat e saj për të kandiduar për presidente në vitin 2027.
