Metropoliti malazez Mihailo: Serbia dhe Kisha e saj, këta përçarës dhe genocidalë!

Metropolit i Kishës Ortodokse Malazeze Mihailo tha se një luftë civile mund të ndodhte lehtësisht në Mal të Zi, me vlerësimin “që serbët janë një faktor përçarës në Ballkan dhe se ata duhet të ulen sepse nuk ka më një Serbi të madhe”.

Duke folur për televizionin Z1 të Zagrebit, ai tha se paratë nga Kisha Ortodokse Serbe, të tërhequra nga Mali i Zi, u përdorën për të financuar arratisjen e kriminelëve të luftës serbe nga gjykata e Hagës.

Sipas tij, disa prej tyre janë fshehur në manastire të administruara nga SPC në Mal të Zi dhe madje edhe në Ostrog. Duke folur për ngjarjet në Srebrenicë, Mihailo tha se ishte një “genocid 100 përqind”, por më i vogël se gjenocidi i kryer nga Serbia në Mal të Zi në 1918 dhe 1920.

“Kjo ndodhi posaçërisht në Cetinje, ku u ekzekutuan disa mijëra malazezë, qindra u torturuan, madje edhe fëmijë”, tha Mihailo.

Duke komentuar Ligjin për Lirinë e Fesë, ai tha se prona e kishës është pronë e shtetit malazez, e cila tani po kthehet.

“Nëse ata nuk do të mendonin se prona do të përdorej nga Kisha Ortodokse Malazeze, nuk do ta kthenin atë. Nga 600 kisha dhe manastire, nuk kemi asnjë; të gjitha janë të pushtuara nga kisha serbe, e cila nuk kujdeset për kishat dhe manastiret, por për shkatërrimin e pushtetit në Mal të Zi”, tha Mihailo. Ai shtoi se lufta civile mund të ndodhte lehtësisht në Mal të Zi nëse nuk do të zbatoheshin dispozitat e ligjit.

“Për Kishën Ortodokse Serbe, Mali i Zi nuk është një shtet, por një provincë serbe, dhe malazezët janë serbë, por ata janë mashtruar këtu”, tha Mihailo. Ai sfidoi gjithashtu festimin e fundit të 800-vjetorit të autoqefalisë së Kishës Ortodokse Serbe, duke thënë se nuk ishte e vërtetë.