Dhjetëra persona të armatosur nga grupi militant palestinez Hamas janë infiltruar në jug të Izraelit nga Rripi i Gazës në një sulm të befasishëm.
Videot e shpërndara në rrjetet sociale duket se tregojnë militantë palestinezë që gjuanin mbi kalimtarët në rrugët e qytetit izraelit, Sderot, raportoi BBC.
Allah Kareem! #طوفان_الاقصى #Gaza #Israel #Hamas #Palestine pic.twitter.com/BDyy231YBu
— Abbas Mohammad (@let_them_write) October 7, 2023
Sulmet intensive me raketa palestineze nga Gaza vranë gjithashtu një grua izraelite.
Ministri i Mbrojtjes i Izraelit tha se Hamasi kishte “bërë një gabim të rëndë dhe kishte nisur një luftë” kundër vendit të tij.
“Trupat [izraelite] po luftojnë armikun në çdo vend”, shtoi Yoav Gallant. “Shteti i Izraelit do ta fitojë këtë luftë”.
Forcat e Mbrojtjes së Izraelit (IDF) thanë se kishin kaluar në një bazë lufte dhe se dhjetëra avionë luftarakë po kryenin sulme ajrore në vendet e Hamasit në Gaza.
