Mbështetja e Presidentit Trump dhe paratë e Elon Musk nuk ishin të mjaftueshme për ta kthyer nga republikanët Gjykatën e Lartë të Wisconsin, e cila tani duket se u mbetet demokratëve.
Sipas CNN-it, kandidatja e mbështetur nga Partia Demokrate Susan Crawford duket se do të jetë fituesja e garës, duke ruajtur kështu shumicën liberale në këtë shtet kyç amerikan, më pak se tre muaj nga triumfi i Trumpit në zgjedhjet presidenciale, që i garantoi atij mandatin e dytë në krye të Shtëpisë së Bardhë.
Crawford, nga gjykata e qarkut në Dane County, kishte përballë kandidatin konservator Brad Schimel, i cili kishte marrë përkrahjen publike të vetë kreut të shtetit në pjesën e fundit të fushatës.
Edhe pse zyrtarisht gara është jopartiake, fitorja e Crawford do të shihet si tejet domethënëse për demokratët jo vetëm Wisconsin por në mbarë vendin, duke qenë se votuesit e bojkotuan kandidatin e preferuar të Trumpit, çka konsiderohet një minus në sprovën politike të epokës së tij të dytë në drejtimin e vendit.
Pak ditë më parë, Elon Musk u shpërndau çeqe prej 1 milion dollarësh votuesve në Wisconsin. Votimi, që supozohej se mund t’i rikthente republikanëve kontrollin e kësaj gjykate, ishte shndërruar në një temë të nxehtë debati e këto u përshkruan si zgjedhjet gjyqësore më të shtrenjta në historinë e SHBA-së.
Një pamje gjithnjë e më e zakonshme në ujërat e Gjirit të Orikumit është shfaqja…
Kryeministri britanik Sir Keir Starmer ka akuzuar miliarderin e teknologjisë Elon Musk se po përpiqet…
Ish deputeti i PD, Edmond Spaho ka reaguar ashpër për protestën kundër investimit në Zvërnec,…
Presidenti serb Aleksandar Vuçiç ka konfirmuar se do të marrë pjesë në samitin BE–Ballkani Perëndimor…
Katy Perry do të jetë njëra prej këngëtareve kryesore që do të përformojë në Festivalin…
Një efektiv i Policisë së Shtetit u vra dhe një tjetër u plagos gjatë një…