Ministri i Arsimit, Ramë Likaj, ka thënë në emisionin Pressing në T7 se cikli i ulët në shkolla mund të kthehet nëpër shkolla.
“Ekziston një mundësi që klasat 1 deri në 5 të kthehen nëpër shkolla”, ka thënë ai.
“Po shikojmë mundësinë që kjo të ndodhë. Jemi në konsultime të rregullta me Institutin Kombëtar të Shëndetësisë për këtë. ajo kategori e nxënësve është e provuar që preket më së paku nga virusi. Kjo duhet të bëhet edhe në konsultim me komunat normalisht. Do të jetë e vështirë”, thotë ai.
Likaj thotë se nëse mbahet mësimi në formë online, atëherë njëri prind do të lirohet nga puna.
“Njëri prind do të lirohet nëse mësimi mbahet online”, ka thënë ai.
