Ministri i Financave, Punës dhe Transfereve, Hekuran Murati, ka anuluar projektin 43 milionë euro për autostradën “Prishtinë-Pejë”, të Qeverisë Haradinaj.
Përmes një postimi në Facebook, VV ka bërë të ditur se lënda është në Prokurori për keqpërdorimin e parave.
Vv ka njoftuar po ashtu se autostrada “Prishtinë-Pejë” do të bëhet në bazë të interesave dhe nevojave të qytetarëve por jo duke zhvatur shtetin.
Postimi i plotë:
Ministri i Financave, Punës dhe Transfereve, Hekuran Murati, dje tregoi që është ndalur keqpërdorimi i 43 milionë eurove në shpronësimin e iniciuar për autostradën “Prishtinë-Pejë”. Duke nxjerrë krahasimin e vlerës totale të parcelave që shkon diku 6.2 milionë euro me atë të vlerësimit të tyre prej 43 milionë euro, Murati tha se kjo lëndë është dosje për prokurorinë e shtetit. Autostrada Prishtinë-Pejë, ashtu si edhe çdo rrugë tjetër, do të bëhet duke marrë parasysh nevojat dhe interesin qytetar dhe jo atë të klaneve partiake siç është vepruar më parë kur është zhvatur shteti i Kosovës.
