Ministri i Punëve të Jashtme të Ukrainës, Dmytro Kuleba, u ka bërë thirrje shtetasve të huaj t’i dalin në ndihmë Ukrainës në përballje me Rusinë, transmeton Gazeta Metro.
Së fundmi Ukraina ka formuar Legjionin Ndërkombëtar të Mbrojtjes Territoriale, ku ministri i jashtëm u ka bërë thirrje të huajve që dëshirojnë të mbrojnë Ukrainën e rendin botëror, të bëhen pjesë e tyre.
Tutje ai tha se bota mundi Hitlerin, e do mund edhe Putinin.
‘’ Të huajt që dëshirojnë të mbrojnë Ukrainën dhe rendin botëror si pjesë e Legjionit Ndërkombëtar të Mbrojtjes Territoriale të Ukrainës, ju ftoj të kontaktoni me misionet e huaja diplomatike të Ukrainës në vendet tuaja përkatëse. Së bashku e mundëm Hitlerin dhe do ta mposhtim edhe Putinin’’, thuhet në postimin e Kuleba.
