Misteri thellohet! Jo vetëm miliarderi, por edhe drejtori i bankës më të madhe në SHBA zhduket

Ekipet e shpëtimit kanë rinisur kërkimet në Siçili për gjashtë persona të zhdukur, përfshirë sipërmarrësin britanik të teknologjisë Mike Lynch dhe vajzën e tij, pasi një jaht luksoz u godit nga një stuhi e dhunshme dhe u fundos të hënën.

Anija me flamur britanik “Bayesian”, një varkë me vela 56 metra e gjatë, e cila transportonte 22 persona, u ankorua në portin e Porticello kur u godit nga moti i egër.

Jonathan Bloomer, kreu i “Morgan Stanley International” dhe Chris Morvillo, një avokat në “Clifford Chance” i cili përfaqësonte Lynch në një gjyq të gjatë në SHBA, ishin midis të zhdukurve.

Gratë e dy burrave janë gjithashtu të humbura, tha Salvatore Cocina, kreu i Mbrojtjes Civile në Siçili.

Zhytësit specialistë kishin arritur në anije të hënën në një thellësi prej rreth 50 metrash, por hyrja shte e kufizuar, tha brigada e zjarrfikësve.

Pesëmbëdhjetë njerëz arritën të largohen përpara se anija të rrëzohej, duke përfshirë gruan e Lynch, Angela Bacares, e cila zotëronte varkën dhe një vajzë njëvjeçare.

Të hënën, ekipet e shpëtimit gjetën trupin e kuzhinierit në bord të jahtit, i identifikuar si shtetasi antiguan Ricardo Thomas.