Një anije gjigante 368 metra e gjatë u përplas me vinçat në bregun e portit Evyapport në lagjen Körfez të Kocaelit, Turqi.
Sipas mediave të huaja, përcjell Telegrafi, si pasojë u rrëzuan vinça të mëdhenj dhe momentet e tmerrit u kapën nga kamerat.
Kështu, siç bëhet e ditur më tej, anija nuk mundi të ndalonte dhe u përplas me tre vinça në portin Evyapport.
Vinçat ranë një nga një, si një efekt domino, me zhurmë të madhe.
Pas raportimit të ngjarjes, aty janë dërguar ekipe shëndetësore, policore dhe zjarrfikëse.
Ekipet kanë mbërritur në vendngjarje brenda një kohe të shkurtër dhe kanë kontrolluar zonën për të zbuluar nëse ka të lënduar.
Mungesa e punëtorëve dhe operatorëve të vinçave në momentin e aksidentit parandaloi një fatkeqësi të madhe.
In Turkey, a container ship accidentally toppled three giant cranes
The incident took place at the Turkish international port of Kocaeli. Fortunately, there were no reported casualties. pic.twitter.com/eIVUJ7x4DF
— NEXTA (@nexta_tv) March 16, 2024
