Pas publikimit të sotëm nga ana e Presidencës, të 17 Tetorit 2021 si datë e zgjedhjeve lokale në Kosovë, ka folur Kryetari aktual i Komunës së Pejës Gazmend Muhaxheri.
Gazmend Muhaxheri ka deklaruar se do ta ruajë bastionin e tij Pejën dhe atë duke korrur fitore pa proces balotazhi.
“Ju e dini, siç jemi mësuar të shkojë puna, unë besojë që të mos ketë as balotazh deri në vitin 2054. Pas vitit 2054 kur unë nuk do të garoj, ndoshta do ketë e shohim. Ju e dini kur t’ia merr dorën vështirë ndryshon”, ka thënë Muhaxheri për “Radio 1”.
Muhaxheri tutje ka thënë se përgatitjet për fitore bindëse të 17 Tetorit i ka filluar që në ditën kur e ka marrë mandatin aktual.
“Përgatitjet e mia për 17 Tetorin që u caktua sot, kanë filluar që nga dita kur i kam fituar zgjedhjet e këtij mandati në të cilin jemi. Pra kjo datë është veç kontinuitet i fitoreve tona. Do të jetë edhe një fitore e imja për mirëqenie ekonomike të qytetarëve të komunës tonë.”, deklaroi Muhaxheri.
Kreu aktual i komunës së Pejës dhe i LDK-së në këtë komunë Gazmend Muhaxheri, thotë se nuk sheh konkurrencë në komunën e tij, meqë asnjë subjekt tjetër politik, përpos LDK-së, nuk i ka definuar kandidaturat përfundimtare, edhe pse një gjë e tillë nuk qëndron sipas subjekteve tjera.
“Nuk shoh konkurrencë, sepse nga subjektet tjera në Pejë krejt janë përfolje. Vetëm LDK e ka kandidatin që jam unë, pra i emëruar nga kryesia. Vetëm LDK ka kandidatin që dihet pë kryetar, të tjerët duhet të presin derisa të nominohen dhe emërohen nga subjektet politike të tyre”, ka deklaruar Muhaxheri.
Ish-ambasadori amerikan në Kosovë, Jeff Hovenier, ka deklaruar se administrata e presidentit Donald Trump ka…
Kryeministri Edi Rama ka deklaruar në një intervistë për Euronews se protestat kundër projektit të…
Gjashtë shtetas shqiptarë të shpallur në kërkim ndërkombëtar janë ekstraduar nga Emiratet e Bashkuara Arabe…
Kryetari i Mitrovicës së Veriut, Milan Radojeviç, të premten është shoqëruar në Policinë e Kosovës,…
Një pamje gjithnjë e më e zakonshme në ujërat e Gjirit të Orikumit është shfaqja…
Kryeministri britanik Sir Keir Starmer ka akuzuar miliarderin e teknologjisë Elon Musk se po përpiqet…