‘Mund të marrim ndihmësin e Tites’, Duka: Zv.trajneri i Brazilit favorit për të drejtuar Kombëtaren shqiptare

Armand Duka, kreu i FSHF-së është pyetur në lidhje me trajnerin e ri të Kombëtares.

Duka ka thënë se janë kryer bisedime me emra të njohur dhe tashmë po diskutohen aspektet ekonomike për të dalë më pas me zyrtarizimin përpara Vitit të Ri.

Në fund të fjalës së tij, presidenti i FSHF-së ka zbuluar një detaj mjaft të rëndësishëm, duke u shprehur se mund të firmosin me ndihmësin e Tites.

“Ne jemi në një fazë për rivlerësimin për të ardhmen e ekipit kombëtar. Të shohim edhe Botërorin, të shohim se kush shkarkohet se mos marrim ndonjë nga këto që do shkarkohen. Padyshim që po. Po punon stafi teknik, ka marrë CV-të dhe po diskuton me shumë.

Realisht jemi në fazën që do diskutojmë edhe aspektin ekonomik dhe besoj që para Vitit të Ri do të kemi një emër të ri. Di që janë disa emra që janë diskutuar. Janë të gjithë emra të mirë, të dëgjuar. Mund të marrim ndihmësin e Tites”, ka deklaruar Armand Duka, në emisionin “Show Katar 2022“.