Një avion i ushtrisë amerikane rrëzohet në Afganistan, po transportonte personel ushtarak të rangut të lartë amerikan

Talebanët pretendojnë se kanë rrëzuar një aeroplan ushtarak amerikan të avancuar dhe besohet së të gjithë personat në bord kanë humbur jetën, përfshirë oficerë të CIA-s, raporton CBS News.

Një aeroplan amerikan u rrëzua të hënën në Afganistanin qendror, duke u bazuar në disa njoftime në mediat sociale. Asnjë zyrtar afgan nuk ka konfirmuar raportimet e bëra në rrjetet sociale, por talebanët thanë se ata rrëzuan një aeroplan ushtarak, duke pretenduar së të gjithë personat në bord kanë humbur jetën.

Avioni u rrëzua në Ghazni, i cili është nën kontrollin e pjesshëm të Talibanëve. Zyrtarët lokalë mohuan një raport fillestar se ishte një aeroplan civil.

Në një video e postuar në Twitter shhet një avion duke u djegur.

Majorja i Ushtrisë Amerikane Beth Riordan, një zëdhënëse e Komandës Qendrore të SHBA, nuk pranoi të komentojë në lidhje me pretendimin e talebanëve. Ajo më parë pranoi se zyrtarët ushtarakë amerikanë po hetonin raportet për një ‘rrëzim’ të një avioni në Afganistan. Ajo tha se mbetet e paqartë se për çfarë avioni bëhet fjalë.

Tariq Ghazniwal, një gazetar në zonë, tha se ai pa avionin që digjej. Në një postim në Twitter, ai i tha The Associated Press se ai pa dy trupa dhe pjesa e përparme e avionit ishte djegur keq. Ai shtoi se trupi dhe bishti i avionëve nuk ishin dëmtuar shumë. Informacioni i tij nuk mund të verifikohej në mënyrë të pavarur.