Një lajm i dhimbshëm ka ardhur sot nga vendet e shenjta islame, ku mijëra besimtarë nga Kosova janë duke kryer Haxhin. Haxhi Avdi Jusufi nga Vushtrria ka ndërruar jetë gjatë qëndrimit në Mekë.
Lajmin e ka konfirmuar familja e tij përmes një njoftimi të publikuar në rrjetet sociale, ku thuhet se ceremonia e varrimit do të mbahet në Qabenë e Bekuar sot, më 1 qershor 2025, me namazin e drekës.
“Vdekja e tij ka lënë një boshllëk të madh në zemrën e familjes sonë, por kujtimi për të do të mbetet gjithmonë i freskët. Babai ynë me shpirt i donte vendet e shenjta, andaj Allahu e zgjodhi që shpirtin ta dorëzonte pikërisht atje!”, shkruan i biri në një postim prekës në Facebook.
Pamja për të ndjerin do të mbahet për tri ditë, duke filluar nga e hëna, 2 qershor, në Novosellë të Begut, Vushtrri.
