Vijojnë të dalin detaje të reja nga ngjarja e një dite më parë në Tiranë, ajo në Rrugën e Kavajës te 21 Dhjetori, ku Ajas Sulejmani, 39 vjeç, u fut me të kuqe në semafor dhe përplasi një çift me foshnjen 3-muajshe.
Raportohet se në makinë e tij luksoze G – Class ka patur dhe vajzën e tij të vogël, e cila ka zënë të qajë në momentin e aksidentit, pasi është lënduar me përplasje koke në sedilje. Dhe shkaktari ka zgjedhur të bëjë “babain ndjeshëm”, duke e marrë në krah e çuar në një klinike private, njëherësh duke mos patur pikë ndjenje për të aksidentuarit shtrirë në asfalt, mes tyre dhe një foshnje pra.
Raportohet se i tronditur nga aksidenti që kishte shkaktuar, Ajas Sulejmani ka dalë nga Mercedesi i tij me duart në kokë dhe ka parë gjithë skenën për disa momente. Dhe menjëherë është rikthyer në makinë, te vajza që qante, duke e marrë në krah e ikur mes rrugicash.
Nga kjo e dhënë e re del në pah në fakt më shumë se “prindi shembullor”, një super i papërgjegjshëm, i cili me fëmijën në makinë, hem ka qenë i droguar, siç rezultoi, e hem është futur me të kuqe, duke provokuar një tragjedi që për fat nuk ndodhi.
