Nobeli për Paqen shkon për aktivisten iraniane të burgosur Nargis Mohammadi

Çmimi Nobel për Paqe i është dhënë aktivistes iraniane për të drejtat e grave, Narges Mohammadi.

Komiteti thotë se ajo mori çmimin për luftën e saj kundër shtypjes së grave në Iran dhe përpjekjet e saj për promovimin e të drejtave të njeriut dhe lirisë për të gjithë.

Narges Mohammadi është një aktiviste iraniane dhe nënkryetare e Qendrës së Mbrojtësve të të Drejtave të Njeriut, e cila u themelua nga nobelistja, Shirin Ebadi.

Mohammadi ka marrë disa dënime me burg që nga viti 2011 dhe aktualisht po mbahet në burgun famëkeq Evin të Teheranit për “përhapje propagande”.

Këtë vit ajo u përfshi gjithashtu në 100 Gratë e BBC-së, një listë e profilit të lartë prej 100 grave që sjellin më shumë frymëzim dhe ndikim nga e gjithë bota.