“Nuk do të na bindësh ta njohim Kosovën” – Vulin kapet me Hillin

Rreth vizitës së ministrit serb të brendshëm, Aleksandër Vulin, në Moskë ku u prit nga kryediplomati non-grata rus, Sergej Lavrov, ambasadori amerikan në Beograd, Christopher Hill u shpreh se “nuk e kuptoj çfarë ka dashur të arrijë me vizitën atje, e besoj që nuk e kupton as ai vet”.

I menjëhershëm qe reagimi i ministrit serb.

Vulin tha se as as ai nuk e kupton se “çfarë dëshiron të arrijë Hill duke dashur që Serbia ta njohë Kosovën”, raportuan mediat serbe, transmeton “Reporteri.net”.

Hill, si ambasador amerikan në Beograd, Vulin tha se është mysafir, ndërsa veten e quajti në shtëpi të vet.

“Nuk e di se çfarë dëshiron ambasadori Hill të arrijë duke provuar të na bindë ta njohim Kosovën, dhe nuk e di as çfarë mendon edhe vetë ai që mund të arrijë”, tha ministri serb.

Vulin tha se ambasadorët serbë në Uashington “kurrë s’do t’i komentin veprimet e ministrave amerikanë”.

Në lidhje me Rusinë, ky ministër tha se “nuk ka shtyjnë të marrin vendime të vështira”, ndërsa shtoi se “Serbia do të vazhdojë të merrë vetë vendimet e saj”.

“A është në interesin tonë ta njohim shtetin e Kosovës, ose ta shqyejmë Marrëveshjen e Dejtonit, ose të vendosim sanksione ndaj Rusisë dhe të mbesim pa gaz? Rusia s’na detyron të bëjmë asgjë”, tha ai.

Duke vazhduar më tej me komentet e tij histerike, Vulin tha se “mbase Hill do të ketë sukses të më heq mua nga qeveria, por jo Serbinë si të pavarur në vendimet e saj”.

Christopher Hill të marten në një intervistë për N1, tha se nuk e kupton se për çfarë ka shkuar Vulin në Moskë, e madje tha se “nuk mendoj që as ai vetë nuk e kupton se çfarë ka dashur të arrijë atje”.

Vulin në Moskë, në takim me kryediplomatin non-grata Sergej Lavrov, u mburr se Serbia është i vetmi vend në kontinentin evropian që nuk i ka vendosur sanksione Rusisë.

Lavrov, në anën tjetër, u shpreh se Presidenti i Federatës Ruse, Vladimir Putin është në kontakt të vazhdueshëm “koordinues” me Presidentin e Serbisë, Aleksandër Vuçiç.