Sipas njoftimit të Agjencisë së Kombeve të Bashkuara për Ndihmën dhe Punën për Palestinezët, një grup i personelit të Hamasit hynë në një kompleks në qytetin e Gazës dhe vodhën pajisje thelbësore. “Pajisjet janë të destinuara vetëm për qëllime humanitare dhe çdo përdorim tjetër i tyre është rreptësisht e ndaluar”.
Agjencia e Kombeve të Bashkuara për Ndihmën dhe Punësimin për Refugjatët Palestinë dhe në Lindjen e Mesme, e njohur me shkurtesën UNRA, njoftoi sot se organizata e Hamasit vodhi naftë, karburant dhe pajisje mjekësore që kishte në qytetin e Gazës dhe ishin të destinuara për banorët e Gazës. Sipas deklaratës së agjencisë, vjedhja u krye nga një grup anëtarësh të Hamasit që hynë në kompleks.
UNRA tha se ekipet e saj duhej të evakuonin selinë e agjencisë në qytet me një njoftim disa orësh natën e 13 tetorit, të Premten e kaluar, dhe që atëherë nuk ka pasur akses në kompleks ose informacion në lidhje me marrjen e pajisjeve. Kamerat e sigurisë që mbulojnë hyrjen dhe daljen e kompleksit u dëmtuan si rezultat i luftimeve edhe para evakuimit dhe ndaluan funksionimin. UNRA tha se “karburantet dhe pajisjet e tjera të agjencisë janë të destinuara vetëm për qëllime humanitare dhe çdo përdorim tjetër i tyre është rreptësisht e ndaluar”.
