Një njësi e forcave speciale amerikane ka ndërhyrë muajin e kaluar në Oqeanin Indian, duke hipur në një anije tregtare që udhëtonte nga Kina drejt Iranit dhe duke sekuestruar materiale me përdorim ushtarak, raportoi Wall Street Journal, duke cituar zyrtarë amerikanë.
Sipas autoriteteve amerikane, ngarkesa përmbante komponentë që mund të përdoreshin për armët konvencionale të Iranit. Një zyrtar i lartë konfirmoi se materialet e sekuestruara janë shkatërruar, ndërsa anija është lejuar të vazhdojë udhëtimin pas përfundimit të operacionit.
Forcat amerikane hipën në anije qindra milje larg brigjeve të Sri Lankës, në një operacion të rrallë ndërhyrjeje detare. Aksioni u krye nga një ekip i Operacioneve Speciale në kuadër të Komandës Indo-Paqësore të SHBA-ve (INDOPACOM).
Sipas Wall Street Journal, operacioni kishte për qëllim të pengonte Iranin nga rindërtimi i kapaciteteve të tij ushtarake, përfshirë aftësitë bërthamore dhe raketat me rreze të gjatë veprimi, të cilat ishin dëmtuar ose shkatërruar gjatë përplasjes së qershorit, ku u përfshinë Izraeli dhe Shtetet e Bashkuara.
Kryeministri britanik Sir Keir Starmer ka akuzuar miliarderin e teknologjisë Elon Musk se po përpiqet…
Ish deputeti i PD, Edmond Spaho ka reaguar ashpër për protestën kundër investimit në Zvërnec,…
Presidenti serb Aleksandar Vuçiç ka konfirmuar se do të marrë pjesë në samitin BE–Ballkani Perëndimor…
Katy Perry do të jetë njëra prej këngëtareve kryesore që do të përformojë në Festivalin…
Një efektiv i Policisë së Shtetit u vra dhe një tjetër u plagos gjatë një…
Autori i vrasjes së një polici dhe plagosjes së një efektivi tjetër mëngjesin e sotëm…