Osmani: S’ka bazë të mjaftueshme për shtyrjen e zgjedhjeve

Presidentja e vendit, Vjosa Osmani, ka thënë që zgjedhjet lokale do të mbahen më 17 tetor – ashtu siç ishte paralajmëruar.

Sipas saj, mënyra e vetme për të shtyrë zgjedhjet është konsensusi mes partive të pozitës dhe të opozitës dhe kjo sipas saj, sot nuk ka ndodhur, pasi mendimi i subjekteve opozitare ishte që të mos shtyhet procesi zgjedhor.

“Përkundër rekomandimit të ekspertëve shëndetësorë për ndikimin e procesit zgjedhor në situatën epidemiologjike, partitë politike s’u pajtuan me shtyrjen e zgjedhjeve. Do ta respektoj këtë vendim, por assesi nuk do të thotë se pajtohem me këtë. Pra data e zgjedhjeve mbetet ashtu si ka qenë”, u shpreh ajo.

“Shtyrja më e madhe e zgjedhje do të ishte më së shumti deri në dy muaj, kjo për t’iu dhënë afat stafit shëndetësor ta fusin nën kontroll situatën”.