Deputeti nga radhët e AKR’së, Behgjet Pacolli ka kritikuar mbulimin e pikturave të vendosura në hollin e Kuvendit, të cilat sipas tij paraqesin ‘’krenarinë kombëtare’’,
Pacolli, përmes një postimi në Facebook është shprehur i shqetësuar pse këto piktura vazhdojnë të mbesin të mbuluara, anipse kur Kurti ishte në opozitë i pati zbuluar.
https://www.youtube.com/watch?v=z_uBbZhlq1c&ab_channel=FMImagesAlbania
‘’Ato vazhdojnë të jenë të mbuluara përkundër që Kryeministri sa ishte në opozitë, në mënyrë demonstrative i pati zbuluar. Sot që është në pushtet spo e kuptoj pse nuk i zbulon ato murale të bukura. Zbuloni pikturat Kryeminister apo nuk ju intereson më e kjo len të kuptojmë se veprimi i atëherëshem ishte vetëm për fushatë’’, shkroi Pacolli.
Ai shtoi se po pret veprimin e Kurtit për këto piktura.
Postimi i plotë:
Pikturat e vendosura në hollin e Kuvendit të Kosovës, pjesë e donacionit tim kuvendit të Kosovës, paraqesin krenarinë tonë kombëtare. Ato vazhdojnë të jenë të mbuluara përkundër që Kryeministri sa ishte në opozitë, në mënyrë demonstrative i pati zbuluar. Sot që është në pushtet spo e kuptoj pse nuk i zbulon ato murale të bukura. Zbuloni pikturat Kryeminister apo nuk ju intereson më e kjo len të kuptojmë se veprimi i atëherëshem ishte vetëm për fushatë? Ta shohim.
